سائنس اور ٹیکنالوجی کے وزیر شبلی فراز نے کہا ہے کہ پاکستان مسلم ممالک کی مدد سے حلال خوراک کے شعبے میں اپنی تحقیق کے دائرہ کار کو وسیع کرے گا ۔
وہ اسلام آباد میں منعقدہ تین روزہ COMSTECH تربیتی کورس کی افتتاحی تقریب سے خطاب کررہے تھے ۔وزیر نے زوردیا کہ متعلقہ شعبے میں تحقیق پاکستان کے عوام اور تمام انسانیت کیلئے سود مند ہوناچاہیے ۔شبلی فراز نے کہا ان کی وزارت اپنے ادارے مضبوط کرنے پر توجہ دے رہی ہے اور جامعات وبازار کے درمیان رابطے کو پروان چڑھانے کیلئے اقدامات کررہی ہے ۔وزیر نے حلال خوردنی اشیاء کے بہتر معیار کویقینی بنانے پر زوردیا اور کہاکہ لیبارٹریوں میں مکمل فوڈ ویلیو چین پر توجہ کے ساتھ حلال اور حرام خوراک کو پرکھنے کی گنجائش ہوناچاہیے ۔