اطلاعات ونشریات کے وزیر فواد چوہدری نے کہا ہے کہ جدہ پہنچنے پر سعودی ولی عہد شہزادہ محمد بن سلمان کی جانب سے وزیراعظم عمران خان کا پرتپاک استقبال ان کے اچھے ذاتی تعلقات کا مظہر ہے ۔آج ایک ٹویٹ میں انہوں نے کہاکہ سعودی عرب اور پاکستان دو برادر ممالک ہیں اوران کے تعلقات باہمی احترام اور اعتماد پرمبنی ہیں۔انہوں نے اعتماد ظاہر کیاکہ وزیراعظم عمران خان کے دورے سے دونوں ملکوں کے درمیان دیرینہ تعلقات کو مزید تقویت ملے گی اور تعاون کی نئی راہیں کھلیں گی ۔