سندھ کے گورنر عمران اسماعیل نے کہا ہے کہ تعلیم اور صحت کی بہترین سہولیات کی فراہمی وزیراعظم کی اولین ترجیحات ہیں اور موجودہ حکومت اس پر کام کررہی ہے۔
وہ آ ج کراچی میں کراچی انسٹیٹیوٹ آف پاور انجینئرنگ کے پندرہویں جلسہ تقسیم اسناد سے خطاب کررہےتھے۔
گورنر سندھ نے کہا کہ یہ فارغ التحصیل ہونے والےطلبا کی ذمہ داری ہے کہ وہ ملک کی ترقی و خوشحالی کےلئے کام کریں۔
گورنر سندھ نے کہا کہ اس وقت پاکستان کو داخلی و خارجی مسائل کا سامنا ہے تاہم ہماری مسلح افواج قوم کی حمایت سے دشمن کے مذموم عزائم خاک میں ملا دیں گی۔