انفارمیشن ٹیکنالوجی کی وزارت صنعت کیلئے سازگار ماحول کی فراہمی اور برآمدات میں اضافے کیلئے بھرپور کوششیں کررہی ہے۔سرکاری اعدادوشمار کے مطابق پاکستان کی انفارمیشن ٹیکنالوجی کی صنعت میں گزشتہ چار برس کے دوران مثبت رجحان دیکھا گیا ہے اور برآمدات میں سوفیصد اضافہ ہوا۔حکومت نے آئی ٹی کے شعبے میں نیا کاروبار شروع کرنے والوں کی حوصلہ افزائی بھی شروع کی ہے اور نیا کاروبار شروع کرنے والوں کو تین سال تک ٹیکس کی چھوٹ دی گئی ہے جبکہ لاہور ، اسلام آباد، پشاور، کراچی اور کوئٹہ میں قومی انکیوبیشن سنٹر قائم کئے گئے ہیں۔