گلگت بلتستان قانون ساز اسمبلی کے ڈپٹی سپیکر جعفراللہ خان کی سربراہی میں گلگت بلتستان کے اعلیٰ سطح کے ایک وفد نے ترکی میں ورلڈ ہیلتھ سپورٹ ٹورازم کانگریس اور نمائش میں شرکت کی۔گلگت بلتستان کے محکمہ سیاحت نے نمائش میں ایک پویلین قائم کیا تھا جس کا مختلف ممالک سے چارہزار سے زائد شرکاء نے دورہ کیا۔نمائش کا دورہ کرنے والوں نے گلگت بلتستان کی قدرتی خوبصورتی اور مہم جوئی پر مبنی سیاحت کو بہت زیادہ سراہا۔ترکی کے وزیرخارجہMevlut Cavusoglu نے بھی گلگت بلتستان پویلین کا دورہ کیا ۔ وہ ترکی کے وزیرتجارت کے ہمراہ اس سال پاکستان کا دورہ کریں گے۔انہوں نے دونوں ممالک کے درمیان سیاحت کے باہمی وفود کے تبادلے اور سیاحت روابط میں اضافے پر زور دیا۔