پنجاب حکومت نے صوبے کے پندرہ اضلاع میں تلسی کے بیج کی پیداوار میں اضافے کے پانچ سالہ پروگرام کا آغاز کیا ہے۔

پانچ ارب گیارہ کروڑ روپے سے زائد لاگت کے اس پروگرام کا مقصد تلسی کے بیج کی فصل کاشت کرنے کو فروغ دینا ہے۔

 پنجاب کےمحکمہ زراعت کے ایک سینئر عہدیدار نے آج اے پی پی کو بتایا کہ منصوبے کے تحت تلسی کی کاشت کےلئے اراضی کا رقبہ 45 ہزار ایکڑ سے بڑھا کر ایک لاکھ ایکڑ کرنے پر خصوصی توجہ دی جائے گی۔

انہوں نے کہا کہ اس پروگرام پر سیالکوٹ ،ملتان، بہاول نگر، اوکاڑہ، راجن پور، رحیم یارخان، بہاولپور، لودھراں، میانوالی، لیہ، بھکر، ڈیرہ غازی خان، وہاڑی، مظفر گڑھ اور خانیوال کے اضلاع میں عمل کیا جارہا ہے۔