اطلاعات ونشریات کی وزیرمملکت مریم اورنگزیب نےکہاہےکہ حکومت خواتین کوبااختیاربنانے اور قومی زندگی میں ان کا کرداربڑھانے کیلئے زیادہ سے زیادہ اقدامات کررہی ہے ۔وہ جمعرات کو خواتین کے عالمی دن کے موقع پر ریڈیوپاکستان کے خبروں اور حالات حاضرہ کے پروگرام میں اظہارخیال کررہی تھیں۔وفاقی وزیر نے کہاکہ اس بات کی ضرورت ہے کہ معاشرہ خواتین کو ان کے حقوق دینے میں فعال کردارادا کرے جو اسلام نے بھی انھیں دئیے ہیں -مریم اورنگزیب نے کہاکہ مردوں کو بھی خواتین کے حقوق کے بارے میں آگاہی دی جانی چاہیے تاکہ وہ خواتین کو ان کی ذاتی اورپیشہ وارانہ ذمہ داریوں کی ادائیگی میں اعتماد دے سکیں۔