فائل فوٹو

وزیراعظم عمران خان نے کہا ہے کہ معیاری طبی سہولتوں تک رسائی ہرشہری کا حق ہے اور حکومت نے صحت کے شعبے میں اصلاحات شروع کی ہیں جس کا مقصد غریب اور مستحق افراد کی مدد کرنا ہے۔

انہوں نے جمعہ کے روز اسلام آباد میں پنجاب میں صحت کی یکساں سہولتوں کی فراہمی سے متعلق بریفنگ کی صدارت کرتے ہوئے کہا کہ حکومت دور دراز علاقوں میں ہسپتالوں کے قیام کیلئے نجی شعبے سے ہر ممکن تعاون کریگی۔وزیراعظم کو بتایا گیا کہ پنجاب کے تمام مستقل رہائشیوں کو اس سال کے آخر تک انصاف ہیلتھ کارڈ کی سہولت فراہم کردی جائیگی جس سے انہیں سرکاری اور نجی ہسپتالوں میں علاج معالج کی سہولت حاصل ہوگی۔