تجزیہ کاروں نے کہاہے کہ بھارت کی جانب سے کنٹرول لائن پر جنگ بندی کی مسلسل خلاف ورزیوں سے علاقائی امن واستحکام کو خطرات لاحق ہیں۔

انہوں نے ریڈیوپاکستان کے خبروں اورحالات حاضرہ کے چینل سے گفتگو کرتے ہوئے کہاکہ بھارت کاجنگی جنون خطے میں پاکستان کے لئے ناقابل قبول ہے۔انہوں نے کہاکہ پاکستان کسی بھی مہم جوئی کامنہ توڑ جواب دینے کی صلاحیت رکھتا ہے ۔ انہوں نے عالمی برادری پرزوردیاکہ جنگ بندی کے معاہدوں کی خلاف ورزیاں رکوانے کے لئے بھارت پردبائوڈالاجائے۔تجزیہ کاروں میں ڈاکٹرطلعت وزارت، ڈاکٹرحیدرمہدی، ڈاکٹرمحمدخان ، ڈاکٹرفاروق حسنات اورعبداللہ گل شامل تھے۔