سپریم کورٹ نے گلگت بلتستان کے عوام کو آئینی حقوق دینے کے بارے میں سفارشات مرتب کرنے کے لئے خصوصی کمیٹی تشکیل دی ہے۔
یہ حکم چیف جسٹس میاں ثاقب نثار کی سربراہی میں قائم سات رکنی بنچ نےگلگت بلتستان کے عوام کو آئینی حقوق کی فراہمی کے حوالے سے اسلام آباد میں ایک کیس کی سماعت کے دوران کیا۔
عدالت نے کمیٹی کو ہدایت کی کہ تمام متعلقہ فریقوں سے رابطہ کیا جائے اور اگلے منگل کو رپورٹ پیش کی جائے ۔
مقدمے کی سماعت اس مہینے کی 24 تاریخ تک ملتوی کردی گئی ہے۔
