پنجاب حکومت صنعتی شعبے کے تعاون سے صوبے کو آلودگی سے پاک کرے گی۔

 یہ بات صوبائی وزیر جنگلات سبطین خان نے آج لاہور میں پنجاب اسمبلی میں وقفہ سوالات کے دوران کہی۔

 ارکان کے سوالوں کے جواب دیتے ہوئے انہوں نے کہا کہ ملتان، گوجرانوالہ، سیالکوٹ، راولپنڈی، فیصل آباد اور رحیم یار خان میں آٹھ ماحولیاتی لیبارٹریاں کام کررہی ہیں۔

 انہوں نے کہاکہ حکومت نے دھند پر قابو پانے کےلئے فصلوں کا بھوسہ جلانے اور ٹوسٹروک رکشوں پر پابندی لگادی ہے۔

صوبائی وزیر نے کہا ہے کہ صفائی آلودگی پر قابو پانے کےلئے پنجاب ماحولیاتی تحفظ ایکٹ 1997 کو پہلے ہی نافذ کیا جاچکا ہے۔