قومی تاریخ اور ادبی ورثے کے بارے میں وزیراعظم کے مشیر عرفان صدیقی نے کہاہے کہ زیر تعمیر قومی عجائب گھر کا اگلے سال کے آغاز پر افتتاح کیا جائے گا۔وہ جمعرات کو اسلام آبادمیں ثقافتی ورثہ نمائش کی افتتاحی تقریب سے خطاب کررہے تھے جو ایک ہفتہ جاری رہے گی۔عرفان صدیقی نے کہاکہ تاریخ کومحفوظ بنانا ہمیشہ اقوام عالم کی ترجیح رہی ہے اور عجائب گھر اس سلسلے میں اہم کردار ادا کرے گا۔
عرفان صدیقی نے کہاکہ ثقافتی ورثہ نمائش میں مختلف مذاہب سے متعلق نوادرات کی نمائش سے معاشرے میں رواداری کے فروغ اور بیرون ملک پاکستان کا مثبت تشخص اجاگر کرنے میں مدد ملے گی۔