اطلاعات کی وزیر مملکت مریم اورنگزیب نے کہاہے کہ حکومت کی کوششوں سے انسانی ترقی کے اشاریے آگے بڑھنے کے رجحان کی عکاسی کرتے ہیں اور پائیدار ترقی کے اہداف بہتر نتائج کے ساتھ حاصل کئے جارہے ہیں۔وہ اسلام آباد میں تین روزہ بیسویں پائیدار ترقیاتی کانفرنس سے خطاب کررہی تھیں ۔وزیر مملکت نے کہاکہ پاکستان پائیدار ترقی کے حصول کیلئے کوشاں ہے اوراس مقصد کیلئے بجٹ میں دس کھرب روپے مختص کئے گئے ہیں جو ملکی بجٹ کی تاریخ میں ایک ریکارڈ ہے ۔انہوں نے کہاکہ اٹھارہویں ترمیم کے بعد پائیدار ترقی کے بعض اہداف صوبوں کو منتقل کئے گئے ہیں تاہم پارلیمنٹ کا پائیدار ترقی کا سیکرٹریٹ بھی اس سلسلے میں اہم کر دارادا کررہا ہے ۔