یورپی یونین میں کشمیر کونسل اور انٹر نیشنل کمیونٹی فار ہیومن ڈویلپمنٹ نے عالمی برادری پرزور دیا ہے کہ وہ مقبوضہ کشمیر میں انسانی حقوق کی سنگین خلاف ورزیوں کا نوٹس لے۔یورپی یونین میں کشمیر کونسل کے چیئرمین علی رضا سید نے ایک نظر انداز کئے گئے تنازع کے متاثرین کے موضوع پر مباحثے میں اظہار خیال کرتے ہوئے کہاکہ کشمیری بھارتی تسلط میں انتہائی کسم پرسی کی حالت میں زندگی گزار رہے ہیں اور ہزاروں کشمیری شہید ہوچکے ہیں۔
انہوں نے کہاکہ ہم اپنے ناقابل تنسیخ حق خودارادیت کے حصول تک اپنی جدوجہد جاری رکھنے کےلئے پرعزم ہیں۔