کنٹرول لائن کے دونوں جانب اور دنیا بھر میں مقیم کشمیری آج اس عزم کی تجدید کے ساتھ یوم شہدائے جموں منایا کہ بھارتی مظالم کیباوجود شہدا کا مشن اس وقت تک جاری رکھیں گے جب تک انہیں جائز حق خودارادیت نہیں مل جا تا۔ نومبر1947 کے پہلے ہفتے میں مہاراجہ ہری سنگھ ،بھارتی افواج اور ہندو انتہا پسندوں نے لاکھوں مسلمانوں کا اس وقت قتل عام کیا جب وہ جموں کے مختلف علاقوں سے پاکستان کی طرف ہجرت کررہے تھے۔ کل جماعتی حریت کانفرنس ،مختلف تنظیموں اور دیگر حریت قائدین نے الگ الگ بیانات میں شہدا کی عظیم قربانیوں کو زبردست خراج عقیدت پیش کیا ہے۔