برسلز میں یورپین پریس کلب میں ایک تصویری نمائش کا انعقاد کیا گیا ہے جس میں مقبوضہ کشمیر میں بھارتی فوج کے مظالم کی تصویر کشی کی گئی ہے۔
آزاد جموں و کشمیر کے وزیراعظم راجہ فاروق حیدر نے ایک ہفتہ پر مشتمل ‘‘ کشمیر یورپی یونین ویک’’ کا افتتاح کیا۔ نمائش کا اہتمام کشمیرکونسل یورپ نے کیا ہے۔
نمائش میں معروف فوٹو گرافر Cedric Gerbehaye کی تصاویر رکھی گئی ہیں۔
اس موقع پر وزیراعظم راجہ فاروق حیدر نے کہا کہ نمائش سے مقبوضہ کشمیر کے عوام کی مصائب کو سمجھنے میں مدد دے گی۔
انہوں نے کہا کہ مقبوضہ کشمیر اقوام متحدہ کے ایجنڈے پرموجودہ ایک دیرینہ تنازع ہے تاہم ابھی تک اس مسئلے کو کشمیریوں کی خواہشات کے مطابق حل نہیں کیا گیا۔