انسانی حقوق کی تنظیم ہیو من رائٹس واچ اور واشنگٹن ڈی سی میں قائم بھارتی شہریوں کے گروپ انڈین امریکن مسلم کونسل نے بھارت کے غیرقانونی زیرقبضہ جموں و کشمیر میں اظہار رائے، پر امن اجتماعات اور دوسرے بنیادی حقوق پر مسلسل پابندیوں کی سخت مذمت کی ہے۔
کشمیر میڈیا سروس کے مطابق ہیومن رائٹس واچ نے ایک بیان میں کہا کہ پانچ اگست 2019 کو کشمیر کی خصوصی حیثیت کے خاتمے کے بعد قابض حکام کی جابرانہ پالیسیوں کے نتیجے میں کشمیریوں میں عدم تحفظ کا احساس بڑھ رہا ہے۔