صدرڈاکٹرعارف علوی نے صوبائی حکومتوں پرزوردیاہے کہ زچہ وبچہ کی حفظان صحت کوتعلیمی نصاب میں شامل کیاجائے اورپاکستان میں آبادی کے بڑھتے ہوئے خطرناک حجم کے بارے میں فیڈرل ٹاسک فورس کے فیصلوں پرتیزی سے عملدرآمدکیاجائے۔
وہ اسلام آباد میں فیڈرل ٹاسک فورس کے تیسرے اجلاس کی صدارت کررہے تھے جس میں آبادی کی شرح میں کمی لانے کی حکمت عملی وضع کرنے پرغور کیاگیا۔
اجلاس میں بڑھتی ہوئی آبادی کی روک تھام سے متعلق مختلف تجاویزکاتفصیلی جائزہ لیاگیا اور لوگوں میں تیزی سے بڑھتی ہوئی آبادی کے اثرات سے آگاہی کے لئے ذرائع ابلاغ اورعلماء کاتعاون طلب کرنے پراتفاق کیاگیا۔