کینیڈا میں پاکستان کے ہائی کمشنر رضا بشیر تارڑ نے کہا ہے کہ روشن ڈیجیٹل اکاؤنٹس سکیم نے بیرون ملک مقیم پاکستانیوں کو سرمایہ کاری اور پاکستان کی ترقی میں حصہ لینے کے لئے انتہائی مستند، محفوظ اور قابل اعتماد موقع فراہم کیا ہے۔ایک ویبینار میں اظہار خیال کرتے ہوئے ہائی کمشنر نے کہا کہ روشن ڈیجیٹل اکائونٹس میں بیرون ملک مقیم پاکستانیوں کی سرمایہ کاری وزیر اعظم عمران خان کی پالیسیوں اور نصب العین پر اُن کے اعتماد کی توثیق ہے۔