تحفظ خوراک کا پہلا عالمی دن جمعہ کو منایا گیا جس کا موضوع ہے'' خوراک کا تحفظ ہر ایک کی ضرورت''گزشتہ سال بیس دسمبر کو اقوا م متحدہ کی جنرل اسمبلی نے تحفظ خوراک کا عالمی دن منانے کااعلان کیا تھا۔ یہ دن منانے کا مقصد خوراک کا تحفظ اور انسانی صحت کے لئے ناقص خوراک سے پیدا ہونے والے خطرات کے بچائو میں مدد کے لئے اقدامات کرنا، ان کی نشاندہی کرنا اور ان خطرات سے نمٹنے کے لئے بہتر انتظام کی طرف توجہ مبذول کرانا ہے۔