کل جماعتی حریت کانفرنس کے چیئرمین سید علی گیلانی کی مسلسل نظر بندی کے خلاف احتجاجی ریلیاں منعقد کی گئی ہیں۔جموں و کشمیر ماس موومنٹ کی آزاد جموں و کشمیر شاخ کے زیراہتمام نکالی گئی ریلیوں میں خواتین اور بچوں سمیت بڑی تعداد میں لوگوں نے شرکت کی۔مظاہرین نے علیل رہنما کو طویل عرصے سے مسلسل نظر بند رکھنے پر بھارتی حکام کی شدید مذمت کی۔انہوں نے انسانی حقوق کی عالمی تنظیموں سے اپیل کی کہ وہ کل جماعتی حریت کانفرنس کے چیئرمین پر عائد پابندیاں ختم کرنے ، انہیں آزادی سے گھومنے پھرنے اور انہیں اپنی سماجی، مذہبی اور سیاسی سرگرمیوں کی اجازت دینے کیلئے بھارت پر دبائو ڈالیں۔