فیس بک نے ہواوے کے موبائل فون پر اپنی ایپ کی اپ ڈیٹس معطل کردی ہیں جوکہ چین کی ایک بڑی موبائل کمپنی کو ایک بڑا دھچکا ہے کیونکہ یہ کمپنی امریکہ کی جانب سے اس کے امریکی ساختہ پارٹس اور سافٹ ویئر کی خریداری پر پابندی عائد کرنے کے باوجود اپنے کاروبار میں اضافہ کیلئے کوشاں ہے۔سوشل نیٹ ورک کمپنی نے برطانوی خبر رساں ادارے رائٹرز کو بتایا کہ جن صارفین کے پاس پہلے سے ہواوے کے موبائل فونز موجود ہیں وہ اب بھی اس ایپ کو استعمال کرسکتے ہیں اور اس کی اپ ڈیٹس بھی حاصل کرنے کے اہل ہیں تاہم اب ہواوے کے موبائل فونز پر پہلے سے انسٹال کی گئی فیس بک ، وٹس ایپ اور انسٹا گرام جیسی ایپس نہیں ہوں گی۔
