اندرونی معاملات اور احتساب کے بارے میں وزیراعظم کے مشیر شہزاد اکبر نے کہا ہے کہ منڈی میں چینی کی قیمت کا تعین ذخیرہ اندوزی کی حوصلہ شکنی کرنے کیلئے ضروری ہے۔
بدھ کے روز لاہور میں ایک نیوز کانفرنس سے خطاب کرتے ہوئے انہوں نے کہا کہ پاکستان تحریک انصاف کی حکومت نے چینی کی ذخیرہ اندوزی اور نرخوں میں مصنوعی اضافے کا خاتمہ کرنے کیلئے عملی اقدامات کئے ہیں۔انہوں نے کہا کہ گزشتہ چار دہائیوں کے دوران حکومت کی جانب سے چینی کی قیمتوں کا تعین نہیں کیا گیا۔انہوں نے کہا کہ چینی مافیا کے خلاف دس ایف آئی آر دائر کی گئی ہیں جبکہ چینی کے تیرہ کارخانوں کے خلاف تحقیقات جاری ہیں۔شہزاد اکبر نے کہا کہ تمام اشیائے خوردونوش کی ذخیرہ اندوزی روکنے کیلئے بھی اقدامات کئے جا رہے ہیں۔
