لندن میں قائم انسانی حقوق کی عالمی تنظیم ایمنسٹی انٹرنیشنل نے بھارت کے غیر قانونی زیر قبضہ جموں وکشمیر میں بھارت کی جانب سے کورونا وائرس کی وباء پر قابو پانے کی آڑ میں سخت ترین لاک ڈائون ، شہریت کے متنازع قانون کیخلاف مظاہروں ، کسانوں کے احتجاج، دہلی فسادات کو روکنے اور شہری آزادیوں پر پابندی کی مذمت کی ہے ۔ ایک رپورٹ میں انسانی حقوق کی تنظیم نے کہا کہ بھارت میں لوگوں کوقتل کرنے اور بلوائیوں اور پولیس افسران کی جانب سے اقلیتوں کیخلاف حملوں پر انہیں کھلی چھوٹ حاصل ہے اور اس پر کوئی پکڑ نہیں ہے ۔