گلگت بلتستان کے مختلف علاقوں میں بارش اور پہاڑوں پر وقفے وقفے سے برف باری کا سلسلہ جاری ہے جس سے معمولات زندگی متاثر ہوئے ہیں۔
بگروٹ میں آج کم سے کم درجہ حرارت منفی سات ڈگری سینٹی گریڈ ریکارڈ کیا گیا، سکردو اور گوپس میں منفی چار جبکہ ہنزہ اور استور میں کم از کم درجہ حرارت منفی تین ڈگری سینٹی گریڈ رہا۔
محکمہ موسمیات نے اگلے چوبیس گھنٹے کے دوران مزید بارش اور پہاڑوں پر برف باری کی پیش گوئی کی ہے۔
ادھر خراب موسم کے باعث آج اسلام آباد اور گلگت کے درمیان پی آئی اے کی معمول کی دو پروازیں نہیں چلائی گئیں۔