مقبوضہ کشمیر میں کل جماعتی حریت کانفرنس کے چیئرمین سید علی گیلانی نے کہاہے کہ کشمیر بھارت کا حصہ نہیں ہے اور بھارتی قیادت کو اس بات کو بار بار دہرانے سے گریز کرنا چاہیے۔
سید علی گیلانی نے سرینگر میں ایک بیان میں کہا کہ یہ بھارت ہی تھا جو کشمیر کے مسئلے کو اقوام متحدہ لے کر گیا تھا اور اس نے عالمی ادارے کے سامنے جموں و کشمیر کے عوام کو خودارادیت کا حق دینے کا وعدہ کیا تھا ، انہوں نے کشمیری عوام کو یقین دلایا کہ ایک دن وہ بھارتی ظلم و ستم سے آزادی حاصل کریں گے۔
سید علی گیلانی نے اس بات کا اعادہ کیا کہ مشترکہ مزاحمتی قیادت 15 دسمبر 2017 کو اسلام آباد کے لال چوک میں ایک عوامی پروگرام منعقد کرے گی، انہوں نے لوگوں سے بڑی تعداد میں شرکت کی اپیل کی۔