اطلاعات ونشریات کی وزیرمملکت مریم اورنگزیب نے کہا ہے کہ حکومت انسانی ترقی کے اشاریوں میں بہتری کے پروگراموں پر کام کررہی ہے۔
انہوں نے بدھ کے روز اسلام آباد میں ایس ڈی پی آئی کانفرنس سے خطاب کرتے ہوئے واضح کیا کہ گزشتہ چار برسوں میں ترقیاتی بجٹ میں نمایاں طورپر اضافہ کیا گیا ہے۔
اس سال دس کھرب ترقیاتی بجٹ مختص کیا گیا ہے جو کہ ایک ریکارڈ ہے۔
انہوں نے اعتماد ظاہر کیا کہ بجٹ میں اضافہ انسانی ترقی کے اشاریوں میں بہتری لانے میں اہم کردار ادا کرے گا۔
