ترکی کے صدر رجب طیب اردوان نے بیت المقدس کی حیثیت کاجائزہ لینے کیلئے اسلامی تعاون تنظیم کے رہنمائوں کو بدھ کے روز تنظیم کے غیرمعمولی اجلاس میں شرکت کی دعوت دی ہے۔ترک حکومت کے ترجمان نے آج انقرہ میں صحافیوں کو بتایاکہ یہ اجلاس مسلمان رہنمائوں کو یہ مواقع فراہم کرے گا کہ وہ صدر ڈونلڈ ٹرمپ کی جانب سے بیت المقدس کو متوقع طورپر اسرائیل کا دارالحکومت تسلیم کرنے پر مل کر مربوط جواب دے سکیں۔ترجمان نے بتایا کہ ترکی نے امریکی انتظامیہ سے کہا ہے کہ وہ اس سنگین غلطی سے فوری طور پر باز آ جائے کیونکہ اس سے مشرق وسطیٰ کا ناپائیدار امن عمل ممکنہ طور پر ختم ہو سکتا ہے۔