فائل فوٹو

 خیبرپختونخوا حکومت نے صوبے کے پسماندہ علاقوں کے لئے صوبائی پبلک سروس کمیشن میں کوٹہ مقرر کرنے کا فیصلہ کیا ہے۔

صوبائی وزیر قانون سلطان محمد خان نے پشاور میں ایک اجلاس کی صدارت کرتے ہوئے کہاکہ پسماندہ علاقوں سے تعلق رکھنے والے امیدواروں کے تحفظات دور کئے جائیں گے۔

خیبرپختونخوا پبلک سروس کمیشن کے چیئرمین نےاجلاس کو موجودہ زونل مختص کوٹہ اور نئے زونز کے قیام کے کیس پر غور کے لئے فارمولا مرتب کرنے کے بارے میں آگاہ کیا۔