صدرعارف علوی نے برآمدات کے فروغ اور غیرملکی زرمبادلہ کے حصول کیلئے مقامی سطح پر تیار کی گئی مصنوعات کی برآمد کی ضرورت پر زور دیا ہے۔انہوں نے بین الاقوامی راول ایکسپو ورچوئل کانفرنس سے خطاب کرتے ہوئے کہا کہ تیار مصنوعات کی برآمد سے ملک کے زرمبادلہ میں بہتری سمیت متعدد شعبوں کو فائدہ ہوتا ہے۔انہوں نے بیرون ملک پاکستانی سفارتخانوں اور ایوان تجارت کے درمیان بہتر روابط کی ضرورت پر زور دیا اور ایوان تجارت سے کہا کہ وہ پاکستانی مصنوعات کی بیرون ملک بہتر مارکیٹنگ کے لئے تجاویز دے۔صدرنے کہا کہ حکومت ملک میں اہم فصلوں کی پیداوار میں اضافے کے لئے کام کر رہی ہے۔