ملک بھر میں اب تک کسی بھی وجہ سے انکم ٹیکس گوشوارے جمع نہ کرانے والے کاروباری افراد اثاثے ظاہر کرنے کے آرڈیننس 2019ء کے تحت اب اپنے گوشوارے جمع کرا سکتے ہیں۔
یہ بات فیڈرل بورڈ آف ریونیو نے ایک وضاحتی بیان میں کہی ہے۔ایف بی آر نے کہا کہ اس آرڈیننس کے تحت لوگوں کو اپنے انکم ٹیکس گوشوارے جمع کرانے کا آخری موقع دیا جا رہا ہے۔بیان میں تمام حکومتی اداروں اور کمرشل بینکوں کی جانب سے ایف بی آر کے ساتھ بھرپور تعاون کو سراہا گیا۔