پاک بحریہ کے سپیشل سروسز گروپ اور سعودی بحریہ کی خصوصی آپریشنز فورسز کی چوتھی مشترکہ مشقیں کراچی میں بحیرہ عرب میں شروع ہوگئیں۔ یہ مشقیں اس ماہ کی 16 تاریخ تک جاری رہیں گی۔ ان مشقوں کا مقصد دہشت گردی کے خلاف کارروائیوں کی مہارت میں اضافہ اور پیشہ وارانہ صلاحیتوں کا تبادلہ کرنا ہے۔ پاک بحریہ کے ترجمان کے مطابق مشقوں سے دونوں ملکوں کی بحریہ کی اسپیشل آپریشن فورسز کی استعداد کار میں اضافہ ہوگا۔