فلسطین کے صدرمحمودعباس نے کہاہے کہ فلسطینی عوام ہارنہیں مانیں گے اوراپنے علاقے پر اسرائیلی قبضے کے خلاف جدوجہد جاری رکھیں گے۔رملہ میں ایک تقریب سے خطاب کرتے ہوئے انہوں نے کہاکہ فلسطینی عوام اپنی پُرامن جدوجہدکادائرہ وسیع کریں گے اوراسرائیل کوتسلط کے خاتمے اورجارحیت روکنے پر مجبور کرنے کے لئے عالمی سطح پراقدامات کریںگے۔محمودعباس نے کہاکہ اسرائیل کواس کے جرائم اورعالمی قانون کی خلاف ورزیوں پر جوابدہ ٹھہرایاجائے گا اوربالآخرسچ،انصاف اورامن کی فتح ہوگی۔