تجزیہ کاروں نے کہا ہے کہ امریکہ کو اس بات کا احساس ہے کہ افغان مسئلے کا کوئی فوجی حل نہیں ہے۔ریڈیو پاکستان کے خبروں اور حالات حاضرہ کے چینل سے گفتگو کرتے ہوئے انہوں نے کہا کہ افغانستان میں دیرپا امن کے لئے پاکستان کا تعاون انتہائی اہم ہے۔تاہم تجزیہ کاروں نے تجویز دی کہ پاکستان کو طالبان کو قائل کرنے کے لئے امریکہ کی درخواست پر احتیاط سے کام لینا چاہئے۔انہوں نے کہا کہ پاکستان اور امریکہ کے اچھے تعلقات وقت کا تقاضا ہیں۔تجزیہ کاروں نے کہا کہ امریکہ افغان جنگ سے تنگ آچکا ہے اور وہ اب ملک سے نکلنا چاہتا ہے۔انہوں نے کہا کہ افغان مسئلے کے حل کیلئے تمام فریقوں سے مشاورت کی جانی چاہیے۔تجزیہ کاروں میں ڈاکٹر ھما بقائی، ریٹائرڈ لیفٹننٹ جنرل رضا محمد خان، عبداللہ گل، ڈاکٹر فرحت حق، ریٹائرڈ میجر جنرل اعجاز اعوان اور ڈاکٹر فاروق حسنات شامل تھے۔