کل جماعتی حریت کانفرنس کے غیر قانونی طورپر گرفتار سینئر رہنما شبیر احمد شاہ کے اہل خانہ نے دہلی کی تہاڑ جیل کی انتظامیہ کی طرف سے شبیر احمد شاہ کو جیل کے انتہائی سکیورٹی وارڈ میں منتقل کرنے کے اقدام پر گہری تشویش کا اظہار کیا ہے۔

شبیر احمد شاہ کو ایک دہائی پرانے منی لانڈرنگ کے جھوٹے مقدمے میں تہاڑ جیل میں رکھا گیا ہے ، انہیں 25 جولائی 2017 کو سرینگر سے گرفتار کیاگیا اور انہیں نئی دہلی میں منتقل کیاگیا، بعد میں دہلی ہائیکورٹ نے عدالتی تحویل میں انہیں تہاڑ جیل بھیج دیا ، جہاں وہ گزشتہ کئی مہینوں سے قید ہیں۔