سینیٹر منظور احمد کاکڑ نے کہا ہے کہ حزب اختلاف کا ایجنڈا پاک چین اقتصادی راہداری کے خلاف ایک سازش ہے۔
بلوچستان عوامی پارٹی اور پاکستان تحریک انصاف کے رہنمائوں کے ساتھ اتوار کے روزکوئٹہ میں ایک پریس کانفرنس سے خطاب کرتے ہوئے انہوں نے کہا کہ بلوچستان اب ترقی وخوشحالی کی راہ پر گامزن ہے۔اس موقع پر ممبر صوبائی اسمبلی بشریٰ رند نے کہا کہ صوبے کے عوام حزب اختلاف کو مسترد کرچکے ہیں اور اب وہ عوام کی فلاح کی بجائے اپنے ذاتی مفادات کیلئے اکٹھے ہوئے ہیں۔ترجمان صوبائی حکومت لیاقت شاہوانی نے کہا کہ بلوچستان حکومت جمہوری اقدار پر یقین رکھتی ہے۔