معاشی تجزیہ کاروں نے اس توقع کا اظہار کیا ہے کہ حکومت ملک سے توانائی کے بحران کے خاتمے کیلئے حوصلہ افزاء اقدامات کر رہی ہے اور عوام پر بجلی کے غیر ضروری استعمال سے اجتناب کرنے پر زور دیا ہے۔ریڈیو پاکستان کے خبروں اور حالات حاضرہ کے چینل کو انٹرویو دیتے ہوئے سینئر ماہر معیشت ڈاکٹر مرزا اختیار بیگ نے کہا کہ حکومت بجلی بچانے کیلئے اقدامات پر غور کر رہی ہے تاکہ تمام ضروری شعبوں میں اس کی دستیابی یقینی بنائی جا سکے۔انہوں نے کہا کہ وزیر اعظم شہباز شریف نے ملک میں بجلی کی ترسیل میں بہتری کیلئے تمام بند پڑے بجلی کے کارخانے چلانے کا حکم دیا ہے۔ایک اور نامور ماہر معیشت ڈاکٹر طلعت انور نے کہا کہ وزیر اعظم شہباز شریف نے مختلف وجوہات کی بناء پر بند پڑے بجلی کے کارخانے دوبارہ چلانے سمیت ملک میں بجلی کی دستیابی بڑھانے پر زور دیا ہے جو بہت ضروری بھی ہے۔