ملک میں گزشتہ چوبیس گھنٹے میں تین ہزار ایک سواکانوے افراد میں کوروناوائرس کی تشخیص ہوئی ہے جس کے بعد اس وباء سے متاثرہ افرادکی مجموعی تعداد دو لاکھ 28 ہزار474ہوگئی ہے ۔

پنجاب میں81ہزار317،سندھ92ہزار306، خیبرپختونخوا27ہزار843، بلوچستان 10ہزار766،اسلام آباد13ہزار409، گلگت بلتستان ایک ہزار545 اور آزادکشمیر میں ایک ہزار288 مریض ہیں۔ اب تک کورونا وائرس سے متاثرہ ایک لاکھ39ہزار830مریض صحت یاب ہو چکے ہیں۔ گزشتہ ایک روز میں93 اموات کے بعداس وباء سے جاں بحق افراد کی مجموعی تعداد 4 ہزار 712ہو گئی ہے اور اس دوران کورونا کے22 ہزار527 ٹیسٹ کئے گئے۔