صحت کے معاون خصوصی ڈاکٹرظفرمرزانے کوروناوائرس کی وباء کی روک تھام کے لئے صف اول کے طبی کارکنوں کی کوششوں کوسراہاہے۔
پاکستان انسٹی ٹیوٹ آف میڈیکل سائنسز(پمز)اسلام آباد کے اپنے دورے میں انہوں نے کہاکہ حکومت قوم، ڈاکٹروں اورطبی عملے کے تعاون سے کوروناوائرس کے خاتمے کی جامع حکمت عملی پرعمل پیراہے۔ڈاکٹرظفرمرزانے کہاکہ ہم نے قومی مفاد میں شاندارمربوط ردعمل اورفیصلہ سازی کے طریقہ کار کے تحت لوگوں کے بہترین مفادمیں فیصلے کئے ہیں۔انہوں نے کہاکہ حکومت لاک ڈائون کی پابندیوں میں بتدریج نرمی لارہی ہے تاہم اس کے ساتھ ساتھ کوروناوائرس کی روک تھام کے قواعدوضوابط پرعملدرآمدپرتوجہ مرکوزکررہی ہے۔معاون خصوصی نے کہاکہ حکومت نے نیشنل کوآرڈینیشن کمیٹی کی قیادت میں نیشنل کمانڈ اینڈ آپریشن سنٹر قائم کیاہے جوصوبوں کے تعاون سے مجموعی صورتحال پرنظررکھے ہوئے ہے۔