پنجاب اسمبلی کے حلقے پی پی چوراسی خوشاب میں ضمنی انتخاب کے لئے پولنگ کوروناوائرس سے بچائوکی احتیاطی تدابیرپرعملدرآمدکے ساتھ جاری ہے۔پولنگ کسی وقفے کے بغیر شام پانچ بجے تک جاری رہے گی۔صوبائی الیکشن کمیشن کے مطابق اس نشست کے لئے کل آٹھ امیدوارمیدان میں ہیں جبکہ پی ٹی آئی کے امیدوارسردارعلی حسین خان بلوچ اورپاکستان مسلم لیگ نون کے ملک معظم شیرکلو کے درمیان سخت مقابلہ متوقع ہے۔یہ نشست پاکستان مسلم لیگ نون کے رکن صوبائی اسمبلی ملک محمدوارث کے کروناسے انتقال کے باعث خالی ہوئی تھی۔