مقبوضہ کشمیر میں بھارتی فوج نے آٹھ ماہ سے جاری طویل محاصرے اور لاک ڈاون کے دوران تین خواتین سمیت ستاسی کشمیریوں کو شہید کیا۔
کشمیر میڈیا سروس کی طرف سے جاری رپورٹ کے مطابق مقبوضہ کشمیر میں بھارتی فوج ،نیم فوجی دستوں اور پولیس اہلکاروں کی جانب سے پرامن مظاہرین پر طاقت کے وحشیانہ استعمال، فائرنگ،چھرےوالی بندوق اور آنسو گیس کے استعمال کےباعث کم سے کم نو سو چھپن افراد شدید زخمی ہوئے۔
رپورٹ میں کہاگیا ہے کہ اس عرصے کے دوران ہزاروں حریت رہنما، کارکن، سیاستدان اور سول معاشرے کے ارکان بدستور جیلوں یا گھروں میں نظر بند ہیں۔
(این این آر، وہاج بشیر)