نوجوانوں کے امور کے بارے میں معاون خصوصی محمد عثمان ڈار نے کہا ہے کہ شفافیت کیلئے جدید ٹیکنالوجی کے استعمال کے ذریعے انتخابی نظام میں اصلاحات متعارف کرانے کیلئے پرعزم ہیں۔
ایک نجی نیوز چینل سے گفتگو کرتے ہوئے انہوں نے کہاکہ الیکٹرانک ووٹنگ سسٹم کی مخالفت کرنے والے انتخابی نظام میں دھاندلی کو فروغ دینا چاہتے ہیں اور الیکٹرانک ووٹنگ مشینوں کے معاملے پر سیاست کررہے ہیں ۔عثمان ڈار نے کہاکہ آئندہ عام انتخابات سے قبل انتخابی اصلاحات کے اطلاق کیلئے تمام ممکنہ کوششیں کی جارہی ہیں ۔
