سماجی تحفظ اور غربت کے خاتمے کے حوالے سے وزیراعظم کی معاون خصوصی ڈاکٹر ثانیہ نشتر نے کہا ہے کہ بارہ ہزار روپے کے حساب سے ایک کروڑ چھیالیس لاکھ افراد میں ایک سو پچھتر ارب روپے تقسیم کئے گئے۔
یہ بات ڈاکٹر ثانیہ نشتر نے جمعرات کے روز اسلام آباد میں مشیر خزانہ ڈاکٹر عبدالحفیظ شیخ کے ہمراہ ایک بریفنگ کے دوران بتائی۔معاون خصوصی نے کہا کہ دوسرے مرحلے کے لئے احساس ایمرجنسی کیش سے مستفید ہونے والے افراد کی نئی فہرست جلد تیار کر کے خزانہ ڈویژن کو پیش کی جائے گی۔