پنجاب کے وزیراعلیٰ سردار عثمان بزدار نے متعلقہ محکموں کو صوبے میں ڈینگی وائرس کی روک تھام کےلئے موثر اقدامات کی ہدایت کی ہے۔
ایک بیان میں انہوں نے کہا کہ ڈینگی کنٹرو ل پلان پر موثر عملدرآمد اور اس مرض کے تدارک کےلئے ایک آگاہی مہم شروع کی جانی چاہیے۔
سردار عثمان بزدار نے بارش کے پانی کی جلد نکاسی کے لئے بھی فوری اقدامات کی ہدایت کی۔
انہوں نے ہسپتالوں کی انتظامیہ کو بھی ہدایت کی کہ ڈینگی کے مریضوں کو علاج معالجے کی بہترین سہولتیں فراہم کی جائیں۔
