خیبرپختونخوا کے ناگہانی آفات سے نمٹنے کے ادارے کی جانب سے صوبے بھر میں متعلقہ محکموں کو کوروناوائرس سے بچنے کیلئے حفاظتی آلات کی فراہمی کا سلسلہ جاری ہے۔ تفصیلات کے مطابق ادارہ اب تک چونسٹھ قسم کے حفاظتی آلات تقسیم کرچکا ہے۔ ان آلات میں تقریباً چھ لاکھ ماسک، پینتیس ہزار تشخیصی کٹس، ایک لاکھ دستانے اور سولہ ہزار حفاظتی کٹس شامل ہیں۔اس کے علاوہ ہسپتالوں، قرنطینہ مراکز اور محکمہ صحت کو 51 ہزار جراحی ٹوپیاں، پچیس ہزار وی ٹی ایم،72 ہزار حفاظتی لباس،120 تھرمل گنز اور ساڑھے چار ہزار Biohazard بیگ بھی فراہم کئے گئے ہیں۔ادارے کا ہنگامی کارروائیوں کا مرکز اپنی ذمہ داریاں دن رات انجام دے رہا ہے جہاں لوگ ٹال فری نمبر 08000-1700 کے ذریعے رابطہ کرسکتے ہیں۔