کابینہ کی رابطہ کمیٹی نے کورونا وائرس کی وباء کے پیش نظر صنعتی سرگرمیوں میں تیزی لانے کیلئے پیک آورز اور آف پیک آورز کے درمیان بجلی کے نرخوں میں فرق کو ختم کرنے کی منظوری دی ہے۔
جمعرات کے روز اسلام آباد میں مشیرخزانہ ڈاکٹر عبدالحفیظ شیخ کی زیر صدارت اجلاس میں کمیٹی نے صنعتی شعبوں کیلئے مراعات کی منظوری دی تاکہ مشکل کی اس گھڑی میں صنعتی شعبے چوبیس گھنٹے کام کرسکیں اور زیادہ پیداواردے سکیں۔پیک آورز کے مقابلے میں آف پیک آورز کے نرخ کی وصولی کی منظوری کا اطلاق کے الیکٹرک اور بجلی کے دیگر تقسیم کار کمپنیوں پریکساں طورپر ہوتا ہے ۔پیک آور آف پیک آورز نظام کے خاتمے پرعملدرآمد اس سال نومبر سے آئندہ سال تیس اپریل تک ہوگا ۔
