وزیراعظم عمران خان نے کہا ہے کہ راوی سٹی لاہور اور بنڈل آئی لینڈ منصوبوں سے اقتصادی اور ماحولیاتی مسائل حل کرنے کے علاوہ آلودگی کم کرنے اور روزگار کے مواقع پیداکرنے میں مدد ملے گی ۔
انہوں نے جمعرات کے روز اسلام آباد میں پاکستان آئی لینڈ ڈویلپمنٹ اتھارٹی اور راوی اربن ڈویلپمنٹ اتھارٹی کے اجلاس کی صدارت کرتے ہوئے بیرون ملک مقیم پاکستانیوں کیلئے مواقع کی فراہمی یقینی بنانے پرزوردیا تاکہ وہ ان منصوبوں میں شراکت دار بن سکیں۔انہوں نے ان منصوبوں کے مثبت اثرات اجاگر کرنے کی ضرورت پر بھی زوردیا ۔وزیراعظم نے ان منصوبوں کے مختلف مراحل کو مکمل کرنے کیلئے ایک حتمی مدت مقررکرنے کی ہدایت کی ۔اجلاس کو بتایاگیا کہ فرنٹیئر ورکس آرگنائزیشن اور نیشنل لاجسٹک سیل نے راوی اربن ڈویلپمنٹ منصوبے پرکام شروع کردیا ہے اور منصوبے کے مختلف مرحلوں کی تکمیل کیلئے نظام الاوقات کاتعین کرلیاگیا ہے۔