پاکستان نے اقوام متحدہ میں بھارت کے اس دعوی کو مکمل طورپر مسترد کردیا ہے کہ اسلام آباد نے سکھوں کیلئے کرتار پور سرحد پر آمدورفت کا انتظام ایک غیرسکھ ادارے کو منتقل کردیا ہے۔پاکستانی مندوب محمد ذوالقرنین CHHEENA نے جنرل اسمبلی کو بتایا کہ ہم کرتار پور راہداری کے خلاف بھارت کے دانستہ پروپیگنڈے کو مکمل طورپر مسترد کرتے ہیں۔انہوں نے کہاکہ اس وقت راہداری کا انتظام کرنے والی پاکستان سکھ گوردوارہ پر بندھک کمیٹی نے بھی بھارت کے اس دعوے کو مسترد کردیا ہے ۔پاکستانی مندوب نے کہاکہ ہم اچھی طرح جانتے ہیں بھارت کی موجودہ حکومت میں امن اور بین المذاہب ہم آہنگی کے جذبے کو سمجھنے کی صلاحیت نہیں ہے ۔