اقوام متحدہ کی جنرل اسمبلی نے بین المذاہب اور بین الثقافتی مکالمے کے فروغ کے حوالے سے پاکستان اور فلپائن کی جانب سے پیش کردہ قرارداد اکثریتی ووٹوں سے منظورکرلی ہے۔
اقوام متحدہ میں پاکستان کے مستقل مندوب منیر اکرم نے متعدد ٹویٹس میں کہاکہ قرارداد کی منظوری وزیراعظم عمران خان کی بصیرت افروز پالیسیوں کا نتیجہ ہے۔
مستقل مندوب نے کہاکہ پرامن معاشرے کے فروغ کےلئے ہماری مشترکہ کوششیں اہم ہیں۔
انہوں نے کہاکہ اس قرارداد کا مقصد پرامن معاشرے سے متعلق مکالمے اور باہمی احترام کے فروغ کےلئے مذاہب، ثقافتوں اور معاشروں کے درمیان خلا کو پر کرنا ہے۔