ریڈیوپاکستان کی ڈائریکٹر جنرل ثمینہ وقار نے کہا ہے کہ خواتین ہرقسم کے تشدد کے خلاف اٹھ کھڑی ہوں اور ایک صحت مند معاشرے کی تشکیل میں اپنا فعال کردارادا کیں۔انہوں نے ان خیالات کااظہار آج راولپنڈی میں راولپنڈی ویمن یونیورسٹی کے زیراہتمام '' خواتین کے خلاف تشدد کا خاتمہ،، کے موضوع پر ایک سیمینار سے خطاب کرتے ہوئے کیا ۔
ثمینہ وقار نے تشدد اور غربت کے خلاف لڑنے اور خواتین کو بااختیار بنانے کی ضرورت پر زودیا تاکہ وہ زندگی کے ہرشعبے میں آگے بڑھ سکیں ۔ریڈیوپاکستان کی ڈائریکٹر جنرل نے کہاکہ ہمیں مقبوضہ کشمیر میں بھارتی فوج کی طرف سے خواتین پرڈھائے جانے والے مظالم کے خلاف اٹھ کھڑے ہوناچاہیے ۔